الأسباب الرئيسية لعدم الارتباط بمصور فوتوغرافى
1- تصرفاتهم دايماً عجيبة (هيبص فى عينك بعمق بس عشان يعرف أحسن زاوية تصوير ليكى إيه . متضحكيش على نفسك وتقولى انه معجب ) .
2- هدايا عيد الميلاد عندهم صورة ليكى ويبروزها برواز و يحطهالك ع التلاجة كدا والصورة دايماً و إنتى مش شايفة الكاميرا أو مش عارفة إنك بتتصوري أصلاً .
3- الإلهام بيجلهم من أي حاجة .. جريدة صورة رسمة معفنة على الحيطة . كلب , ظل , حمار ألخ
4- دايماً بيعرف ناس ما شاء الله عسل . يعني متضايقيش لو شوفتيه مع واحدة منهم.
5- يوم ما تروحوا رحلة هياخد كمية شنط كأنه معزل من كوكب الارض . كلها ادوات تصوير
6- هيقولك رأيه فى شكلك بمنتهى الصراحة و لو زعلتي يقولك متزعليش هظبطك فوتوشوب , زي الفلبيني اياه هههههههههه
7- متحاوليش تكلميه كل يوم مش هيرد على تليفوناتك أو رسايلك لإنه ببساطه فى ملكوت تانى خالص ممكن يكون سرحان مع نمله .
8- مقضي حياته كلها قدام شاشة الكمبيوتر
9- إنسي خالص حكاية مسك الإيدين . إيديه الاتنين مش فاضيين ولو حاولتي تمسكي إيده هاينتهي بيكي الأمر شيلاله حاجة كان محتار يحطها فين و دايماً بتبقى عدة تقيلة . خصوصا لو عندك شنطة كبيرة
10- لحظات الرومانسية والغروب هتبقي إنتي بتفكري فى إنك بتحبيه وهو بيفكر في شوت
“f8 at 1/125”.
11- إوعي تفتكري إنه هايصرف فلوسه عليكي .. أبداً ... هو عنده كاميرات يتامى بيصرف عليها . الله يساعد بس
12- لو حصلت حادثة لا قدر الله و إنتي معاه إعرفي إنه هاينقذ كاميرته الأول طبعاً ويمكن بعد ما يحضن كاميرته ويطمن عليها يبقى يفتكرك .. يمكن!! .. ماتتعشميش أوى .
13- عمره ما هيصورك صورة ويبعتهالك أبداً حتى لو جبتيله عسكري من القسم .. استحالة .
14- محدش هايصدق إنه كان معاكى فى شهر العسل لإنه مش هايظهر فى ولا صورة لإنه هو اللى بيصور .
15- لو معاه كاميرا كانون إوعي تقولى بحب النيكون أو العكس .. لإنك هاتسمعي محاضرة طويلة عريضة مش هاتفهمي منها ولا كلمة .
16- مفيش صور بتطلع من الكاميرا على النشر على طول لازم يتشقلب فيها يومين فوتوشوب.
17- لو فى يوم وقعتي الكاميرا من إيدك ماتعتذريش .. إجري بسرعة و اركبي أول طيارة خارجة من من البلد , لإنه لو مسكك أهلك مش هيتعرفوا على الجثة.
هذا المقال منقول للترفيه :) __________
